La ANR ha la finamira da sustegnair ils meds da massa rumantschs. Ses servetschs muntan ina mesira per mantegnair e promover il linguatg rumantsch cun rinforzar l’intermediaziun d’infurmaziun per rumantsch en pled e scrittira. La ANR è in’agentura da novitads independenta dals mediums, als quals ella ha da servir.

La ANR procura mintga di ina offerta da basa da novitads en tuts idioms ed en rumantsch grischun. Ella resguarda per regla ils idioms, sch’ella derasa communicaziuns localas, resp. regiunalas. Ella fa dentant per regla diever dal rumantsch grischun, sch’ella sa drizza a l’entira cuminanza linguistica.

Incumbensa da la ANR